«Жанажолская ГТЭС» жауапкершілігі шектеулі серіктестігі электр энергиясын өндірумен айналысады. Негізгі өндірістік кешені ол – Жаңажол газтурбиналық станциясы. Орналасқан жері: Ақтөбе облысы, Мұғалжар ауданы, Жаңажол кен орыны. Қазіргі таңда 11 газтурбиналық қондырғылары өндіріске қосылған, өндіріс қуаттылығы 168 Мвт электр энергиясын өндіруде. Электр энергиясын өндіру тауарлық газды жағу арқылы жүзеге асырылады.

Компания өзінің қуаттылығын арттыру үшін, газтурбиналық  қондырғыларын үнемі жаңартып отырумен қатар, өндірістің даму жолдарының жаңа бағыттарын іздестіруде. «Жанажолская ГТЭС» ЖШС-і Ақтөбе облысының өндіріс саласында ойып алар орны бар, ірі кәсіпорындар қатарынан болып есептеледі.